Քնի մշտական պակասը կարող է շիզոֆրենիայի հանգեցնել

Անկանոն քունը կարող է շիզոֆրենիայի ախտանիշներ հարուցել, կարծում են Բրիստոլի համալսարանի բրիտանացի հետազոտողները։

Փորձի շրջանակում նյարդաբաններն ուսումնասիրել են անկանոն քնի ազդեցությունը լաբորատոր առնետների ուղեղի վրա՝ արձանագրելով քնի ժամանակ ուղեղի էլեկտրական ակտիվությունը։

Պարզվել է, որ քնի խանգարումը ուղեղի ակտիվության ապասինխրոնիզացիայի է հանգեցնում։ Ամենից առաջ խախտվում է հիշողության ձեւավորմանը մասնակցող հիպոկամպի եւ որոշումներ կայացնելու համար պատասխանատու ճակատային կեղեւի միջեւ տեղեկատվության հոսքը, գրում է «Բժշկական տեղեկատվական ցանցը»։

Փորձագետները բացատրել են, որ անքնությունը հիմնականում վատացնում է կենտրոնացումը, մեծացնում է սթրեսի մակարդակը։ Քնից երկար ժամանակ զրկվելը կարող է հանգեցնել զառանցանքների, հիշողության կորստի եւ խանգարման, որոնք շիզոֆրենիայի ախտանիշներ են։

Գիտնականները ենթադրում են, որ քնի մշտական պակասը կարող է անգամ տվյալ հիվանդության պատճառ, այլ ոչ թե հետեւանք դառնալ։

Հարցեր, պատասխաններ, մեկնաբանություններ